İmam Baqir (ə) buyurur: Allahın Peyğəmbəri (s) meraca gedən gecə, Allahdan soruşdu: Sənin üçün möminin dəyəri nə qədərdir? Cavabında eşitdi ki, Ey Məhəmməd! Hər kəs mənim dostuma hörmətsizlik etsə, sanki mənimlə mübarizəyə qalxıbdır. Məndə surətli şəkildə dostlarımın köməyinə tələsəcəyəm...[1]
İmam Sadiq (ə) bu barədə buyurdu: Allahın yer üzündə beş gizli evi var: Peyğəmbər (s), Əhli beyt (ə), Quran, Kəbə və Mömin.[2]
Möminin hörməti o qədərdir ki, onun malıda qanı qədər hörmətə malikdir. İslam peyğəmbərindən nəql olunur ki, buyurub: Möminə söyüş söymək insanın fasiq olmasını ilə nəticələnəcək. Möminlə döyüş və vuruşmaq kafirliyə səbəb olacaq. Onun ətini yemək yəni onun qeybətin etmək günahdır. Onun malıda onun qanı kimi hörmət olunmalıdır[3].
Təbiidir ki, əgər mömin malının bu qədər hörməti varsa, abırı malından daha dəyərlidir. Nəticə etibarı ilə abırının daha çox hörmətə qoyulmağa ehtiyacı var.
Möminin hörməti ilə əlaqədar rəvayətlər o qədərdir ki, hamısını qeyd etmək bu cavaba sığmaz. Bu sahəyə meyli olanlar bu ünvanı rəvayət kitablarında axtara bilərlər. Nümunə üçün Əllamə Təba-təbayi Bəharul Ənvar kitabının 71 ci cildində 221 ci səhifəsində, “mönimlərin haqqları bölümü” adlı bölüm seçərək, onun altında bir çox hədis və rəvayətlər vermişdir.
Amma görək həqiqətlərin üzə çıxması bəhanəsi ilə möminin abrın aparmaq olar yoxsa yox? Cavab olaraq bildirməliyik ki, möminin qeybətin qırmaq üçün bu bəhanə təklikdə kifayət deyil. Bəli o vaxt ola bilər ki, o həqiqətin ifşa olunması o qədər zərurət və əhəmiyyət daşımalıdır ki, başqa bir möminin abırı və gələcək həyatı ona bağlı olsun. İstisna olaraq və ehtiyatın bütün tərəflərini nəzərə alıb bəzi zəruri olan məqamları demək olar. Bu mövzunun özü də qeybətin istisna yerlərinə daxildir. Məsələn evlilik barəsində əgər məsləhət alınırsa həqiqəti demək daha uyğun olar. Ümumiyyətlə evlilik barədə söhbətlər və məsləhətləşmələr istisnalara daxildir.
Möminin abırını aparmaq kimi böyük günahdan tövbə etmək, ilk növbədə üzrxahlıq və halallıq istəmək və bu yolla ona daxil olan mənəvi zərəri əvəz etmək üçün çalışmaq yolu ilə aparılmalıdır. Əgər belə bir şey mümkün olmadığı təqdirdə, və ya dilxorçuluğa və ya  küdurətlərin daha çox olmasına gətirib çıxaracağı təqdirdə Allaha sığınaraq, onun barəsində gözəl dualar etməklə, onun tərəfindən xeyir iş görməklə və onun niyyətinə sədəqələr verməklə, edilmiş günahın mənəvi zərərlərini əvəz etmək olar.
Bu mövzuda olan göstəricilər:
Böyük Günahların bağışlanması, 14870

---