Bu sualın cavabında deyə bilərik ki, bir çox rəvayətlərdə olduğu kimi həmin sualı pak və Məsum İmamlarımızdan (əleyhimus-salam)  soruşublar. O Həzrətlər də hər bir şəxsə öz halına münasib cavablar veriblər.
Əvvəlcə, belə rəvayətələrdən ikisini seçib tərcüməsi ilə birgə sizin ixtiyarınızda qoyuruq. Daha sonra onları müxtəsər təhlil etməklə, sualınızın cavabınızı verəcik:
Birinci rəvayətdə İshaq ibn Cərir nəql edir ki, İmam Sadiqin (əleyhissalam) hüzuruna gəldim və soruşdum: Bizim Kufə şəhərimizdə fahişəliklə məşğul olan məhşur bir qadın var. Onunla müvəqqəti evlənə bilərikmi? İmam (əleyhissalam) buyurdu: “O qadın öz evinin qapısına bayraq vurub?”[1] Dedim: Əgər belə etsəydi hökumət tərəfindən həbs olunardı. İmam (əleyhissalam) buurdu: “Onunla müvəqqəti evlən!” Sonra İmam (əleyhissalam) yanında əyləşmiş dostlardan birinin qulağına ahəstə nə isə buyurdu. Mən sonradan həmin şəxsi gördüm və İmamın (əleyhissalam) ona nə dediyi haqqında soruşdum. O cavabında dedi: hətta, o qadın qapısının ağzına rəsmi bayraq asmış olsaydı da onunla müvəqqəti evlənmək olardı. Çünki, bu evlənmə o qadını haramdan saxlar və onu halal yola tərəf aparardı.[2]
Digər bir rəvayətdə Həsən ibn Zərif belə nəql edir ki, bizim məhəlləmizdə gözəl üzlü bir qadın var idi və onula evlənmək fikrində idim. Amma, o elə bir fahişə qadın idi ki, heç kəslə zina etməkdən çəkinməzdi. Ona görə də sonradan ondan xoşum gəlmədi amma, sonradan öz-özümə dedim: Bizim İmamlarımız (əleyhimussalam) nəql ediblər ki, fahişə qadınlarla evlənməyin eybi yoxdur. Çünki, bu əməllə onları haramdan halala tərəf çəkirlər. Həmin şübhəni aradan apramaqdan ötrü xüsusi bir məktubda İmam Həsən Əsgəridən (əleyhis-salam) məşvərət istədim. O Həzrət (əleyhissalam) cavabında yazdı: “Fahişələrlə evlənməyin eybi yoxdur. Amma, buna baxmayaraq qonşunda olan o fahişə qadınla müvəqqəti evlənməkdən çəkin! Çünki, o qadın çox həyasız bir şəxsdir və sənin qonşuluğundadır. Ondan qorxuram ki. sonradan bu işini hamıya yayıb səni el içində rüsvay edər!”
Bu məktubdan sonra o qadınla müvəqqəti evlənməkdən çəkindim. Amma, bir müddət sonra həmin qadınla bir dostum müvəqqəti evləndi və bu evlənmədən sonra çox çətinliklərlə üzləşdi. Hökümət onu həbs etdi və çoxlu məbləğdə cərimə olundu. Allah-Taala İmam Həsən Əsgərinin (əleyhis-salam) bərəkətindən məni belə bir bəladan qorudu.[3] Çoxlu rəvayətlərdə var ki. belə qadınlarla müvəqqəti evlənmənin məkruh olmasına çatdırır.[4] Çox sifariş olunub ki, müvəqqəti evlənməni də möminə və pak qadınlarla etsinlər.[5]
Bu mövzuda gələn rəvayət və hədislərdən belə nəticə ələ gətiririk ki:
1-İslam daimi evlənməyə dah çox təkid edir və müvəqqəti evlənməyi bəzilərinin kef çəkməsi və ya sui istifadə etməsinə, bununla da ailələrin dağılmasına şərait yaradılmasını bəyənmir;
2-Əgər hansısa şəraitə görə müvəqqəti evlənmək qəsdi olan olsa, daha yaxşı olar ki, qarşı tərəf möminə və pak qadınlardan olsun və qadının şəri evlənmədə olan iddə halətini qorusun.
3-Fahişə qadınlarla məkruh olmasına baxmayaraq, müvəqqəti evlənmək haram deyil. Çünki, belə qadınlar o halda ən azı haramdan uzaqlaşır. Ona görə də heç bir şiə alimi belə qadınlarla evlənməyə haram fətvası verməmişdir.
4-Belə qadınlarla evlənmələrdə çox zaman cismi, ruhi və abır-həya müşkülləri yarandığına görə tövsiyə olunur ki, belə evlənmələr olmasın. Məlum olduğu kimi bütün halal olunmuşlar, cəmiyyətdə hər bir təbəqənin şəninə uyğun təsir bağışlamır. Məslən, zir-zibili araşdırıb onun içindən faydalı əşyaları seçib götürmək halal olsa da, cəmiyyət tərəfdən hər bir fərdin şənində qəbul olunmur.
5-Bütün bu deyilənlərdən sonra yenə də kimsə belə qadınlarla müvəqqəti əqd etmək fikrində olsa, daha yaxşı olar ki, cəmiyyətdə onun şəxsiyyətinə görə qarşıya gələcək müşküllərin qarşısın almaqdan ötrü çox ehtiyat etsin. Bu ehtiyatlardan biri budur ki, belə evlənməni rəsmiləşdirisn və ya etibarlı insanlardan birini rəsmi evlənməsinə şahid kimi nəzərdə tutsun.

---