تاریخی اور حدیثی منابع میں جستجو کرنے کے بعد جمعرات کے دن رسول اکرم (ص) کے توسط سے فدک، حضرت زہراء (س) کو بخش دیا جانا ثابت نہ ہوسکا، اسی طرح دوسرے تاریخی حوادث کے واقع ہونے کا دقیق دن، تاریخ میں درج نہیں ہوا ہے اور اس کے یہ معنی نہیں ہیں کہ یہ واقعات غیر مستند یا حقیقت کے خلاف تھے۔
جو کچھ حدیث کے منابع میں آیا ہے وہ یہ ہے کہ: آیہ شریفہ: " اور دیکھو! قرابتداروں کو اور مسکینوں کو اور مسافر غربت زدہ کو اس کا حق دیدو اور خبردار اسراف سے کام نہ لینا ۔"[1] نازل ہونے کے بعد پیغمبر اکرم (ص) نے فدک حضرت زہراء (ع) کو بخش دیا ہے۔[2]
اسی طرح ایک اور روایت میں امام صادق (ع) سے نقل کیا گیا ہے کہ:" پیغمبر اکرم (ص) فدک کو فتح کرنے کے بعد مدینہ میں داخل ہوکر فاطمہ زہراء (س) کے پاس گئے اور فرمایا:" بیٹی! خدا نے فدک تیرے باپ کو عطا کیا ہے اور اسے آپ کے باپ سے مخصوص کیا ہے کہ دوسرے مسلمانوں کو اس پر کوئی حق نہیں ہے اور میں اس کے بارے میں جو چاہوں کرسکتا ہوں۔ تمہاری ماں خدیجہ (س) کا مہر مجھ پر ہے اور تمھارا باپ فدک کو اس کے بدلے میں تجھے عطا کرتا ہے اور میں اسے تجھے اور تیری اولاد کو بخشتا ہوں۔ اس کے بعد پیغمبر اکرم (ص) نے ایک پوست (کھال) کا مطالبہ کیا اور علی بن ابیطالب کو بلاکر ان سے فرمایا کہ: فاطمہ کے لئے فدک کو اس پر لکھنا کہ میں نے اسے بخش دیا ہے تاکہ رسول خدا (ص) کی طرف سے اس کے لئے ایک بخشش ہو، علی بن ابیطالب، رسول خدا کے غلام اور ام ایمن کو گواہ بنا دیا اورفرمایا:" ام ایمن بہشت کی ایک عورت ہے۔"[3]
البتہ مشاہدہ کیا جاتا ہے کہ بعض روایات سے استفادہ کرکے،[4] کوشش کی گئی ہے تاکہ اس واقعہ کا خاص دن مشخص ہوجائے، لیکن مذکورہ روایتیں حضرت زہراء (س) کی ازدواج سے متعلق ھیں اور فدک کے موضوع سے ان کا کوئی تعلق نہیں ہے۔
فدک کی تاریخی بحث کے بارے میں مزید معلومات حاصل کرنے کے لئے ہماری اسی سائٹ کے مندرجہ ذیل عناوین کا مطالعہ کیا جاسکتا ہے۔
1. «امام علی (ع) و فدک»، سؤال 18801.

---