Salman daya ne daga cikin mafi girman sahaban Manzon Allah (s.a.w), kuma an yi sabani kan sunansa na asali[1] wasu sun ce sunansa ruzbeh sunan mahaifinsa kuma “Khashnudan ko Khashnuzan” [2] don haka wasu ma sun nakalto cewa “Buzkhashan” [3] ne sunan mahaifinsa, kuma bisa abin da ruwaya ta nuna cewa bayan da Salmanu ya musulunta Manzon Allah (s.a.w) ne ya zaba masa suna [4], ana yi masa alkunya da Abu Abdullahi (baban Abdullahi) [5] mafiya yawan malaman tarihi sun tafi a kan cewa an haife shi a wani kauye mau suna jayyu a birnin Isfahan,[6] wasu kuma sun ce a Ramu-har-muzu aka haife shi. [7]
Kuma an yiwa Salman lakabi da Salmanul Farisi da Salman dan Musulunci da kuma Salmanun alkahiri. [8]
Amma dangane da shekarar da aka haifi Salmanul farisi ba a sami wani da ya zo na bayani a litattfan tarihi da na rayuwar mazaje ba.
Baban Salman ya kasance manomi ne Ba’iraniye.[9] A zamanin mulkin sasaniyawa a wannan zamanin mutanen da ke da filaye da gonakin noma a kauyuka da birane ana kiransu ma (dihkan)[10] wato manoma, akwai ruwayoyin da suke Magana kan rayuwar Salman tun lokacin kafin zuwan musulunci,  wadanda ake karantar da su ta hanyar hakaitowa, kuma abin da aka karfaf daga abin da ya zo a cikin wadannann ruwayoyin cewa zuciyar neman gaskiyar da Salman ke da ita ce ta sa shi yin tafiye-tafiye masu nisa don neman addini na gaskiya.
Bisa asasin wannan ruwayar an ce lokacin da Salman yana dan yaro ya kasance mabiyin addinin Zartush, zuwa lokacin da ya sami labarin addinin Annabi Isa (a.s) sai ya karbe shi sannan ya nufaci yankin sham, don ya rabauta da dalibta a wajen Manyan malaman wannan addini. Baban Salman saboda alakar da yake da ita da shi ya kasance yana tsare shi a gida yana ganin cewa tafiyar da yake son yi zuwa Sham wani nau’i ne na kokarin guduwa, a Sham ya kasance mai yi wa fada hidima kuma a kokarin sa na ya ga ya amfana ya yI tafiye-tafiye zuwa garuruwan Mosil da Nasib da kuma Umuriyya. [11] 
Daga Umriyya sai Salman ya yi nufin yin safara zuwa hijaz kuma ka sani cewa ya tafi cen ne ta hanyar shiryarwa malamansa na masihawa kan cewa annabin karshen zamani ya kusa bayyana a wannan kasar, kuma ya kasance ya taho tare da karabka (fataken) kabila Kalbu sai suka mayar da shi bawa sannan aka siyar da shi a hijaz a matsayin bawa, sai ya zama yaron wani mutum daga yahudawan banu kuraiza sannan ya taho da shi Madina. [12]
Musuluntar Salman
Salmanu ya musulunta[13] a lokacin da Manzon Allah (s.a.w) ya yi hijara zuwa madina sa’adda ya shiga madina a shekara ta 13 [14] da aiko Manzon Allah (s.a.w), dama ya ji ance daya daga cikin alamomin annabin karshen zamani ita ce baya cin sadaka amma yana cin kyauta kuma a tsakanin kafadunsa akwai tambari annabta, daga nan ne, a lokacin day a cika karo da Manzon Allah (s.a.w) a unguwar kuba sai sai ya bawa abinci da sunan sadaka sai Manzon Allah (s.a.w) ya bawa sahabban sa wannan sadakar amma shi bai ci ba. 
Sai Salman ya dauki wannan a matsayin alama ta farko, sai wani lokacin kuma ya kuma ganin Manzon Allah (s.a.w) sai ya kuma ba shi abinci da sunan kyauta sai ya lura cewa a wannan karon ya ci. 
A karo na uku sai  ya ga Manzon Allah (s.a.w) a taron raka gawar wani daga cikin sahabbansa sai ya yi masa sallama sannan ya rika tafiya daf da shi a bayansa don ya ga alama ta uku da yake Manzon Allah (s.a.w) ya san me Salman yake so ya cimma sai ya yi gefe da tufafin sa ta yadda Salman zai iya ganin tambarin annabtar da ke tsakanin kafadunsa biyu, a wannan lokacin ne Salman ya runguwa Manzon Allah (s.a.w) sannan ya sunbanci jikinsa, kuma ya bayyana msuluncinsa. [15]
Sai ya sayi Salman daga hannun uban gadansa sannan ya ‘yanta shi kuma Manzon Allah (s.a.w) ya biya kudin nakadan. [16]
Muhimman Ayyukan Salman

Wasu sun rawaito cewa a yayin yakin Da’ifa a nan ma Salman ya bada shawarar a yi amfani da majaujawa kuma Manzon Allah (s.a.w) ya bad a umari a yi amfani da ita. [20]
A lokacin bude Iran, umar ya nada shi shi da huzaifa su zama su ne na kan gaban yaki, wato majaban kuma masu jan ragama a wajen yaki. [21] a yakin Mada’in Salman ne ya jagoranci tattaunawa da rundunar Iraniyawa daga bangaren rundunar musulmai. [22] 

Salmanul farisi  a lokacin halifanci Umar dan Khaddabi ya zama gomnan Mada’in a karkashin halifancin Umar din, an ce kafin ya karbin wannan matsayin sai da ya nemi izini daga imam Ali, bayan haka sannan ya karbi mukamin ya kasance gomnan wannan garin har lokacin da zai yi wafati, [27] kason Salman daga baitul mali a matsayinsa na gomnan mada’in dirhami dubu biyar ne wadanda ya kasance yana sadakar da su, kuma ya kasance yana ciyar da kansa ta hanyar saka tufafi da hannunsa yana siyarwa yana cin abinci. [28]
 
Salman A Bakin Manzon Allah (S.A.W) Da Kuma Imamai (A.S)
Mafi shaharar ruwayar da aka rawaito daga Manzon Allah (s.a.w) da take bayani kan Salmanu, ita ce “Salmanu daya daga cikinmu ne Ahlulbaiti (a.s)” [29]. an cirato a wasu ruwayoyi cewa wata rana Salmanu ya shiga masallaci sai wadanda suke nan suka ba shi mazauni a kurya saboda girmamawa a gare shi, amma Umar saboda dalilin cewa shi ba balarabe ba ne sai ya fusata saboda wannan abin da ya gani, yayin da Manzon Allah (s.a.w) ya ga abin da ya faru sai ya tafi ya hau kan mimbari ya gabatar da huduba wacce a cikin ta ya yi nuni kan cewa mutane ba su da fifiko kan junansu a karkashin mahangar kabilanci ko launi fata: “Salman daya ne daga cikinmu Ahlulbaiti (a.s)”. [30]
Wannan hadisin da Manzon Allah (s.a.w) ya fada an ruwaito shi ma a wasu ruwayoyin. [31] 
A wani hadidsi da aka karbo daga  Manzon Allah (s.a.w) kan falalar Salman an nakalt cewa: [32] daga cikin hadisan Manzo (s.a.w) akwai cewa aljanna na shaukin Ali da Ammar da Salman. [33] da ma wani hadisin da bisa asasinsa ne Allah Ta”ala ya kallafawa (ya wajabta wa) Annabi (s.a.w) ya so Ali da Salman da Mikdad da Abu zarri. [34]
Kamar yadda aka cirato wasu ruwayoyi sun zo daga bakin Imamai tsarkaka (a.s) kan yabon Salman[35] wanda daga cikinsu akwai fadin Imam Ali (a.s) da yake cewa Salmanul Farisi shi da wasu daga cikin mabiyan Imam wanda daga cikinsu akwai Abuzarri da Ammar da Mikdad mutane ne masana wadanda Allah Ta”ala yake saukar da Arziki ga bayi saboda su.[36]  Sannan Imam Ali (a.s) ya siffanta Salman da cewa mutum ne shi da ya san ilimin farko da na karshe. [37] a wata ruwaya da aka karbo daga imam Bakir (a.s) yana cewa wani lokaci a wani majlisi wasu muatane suna yin magana kan Salman sai Imam Ali (a.s) ya katse zancen su ya na mai fadin cewa kada ku kira Salman da Salmanul farisi lalle ku kira shi da Salmanul Muhammadi saboda shi daya ne daga cikin daidaikun mu Ahlulbaiti (a.s) ne shi. [38]
Wafatinsa
An sami babani kan shekarar da Salman ya yi wafati kuma an nakalto shekarar wafatinsa tsakanin shekara ta 33 da ta 37 bayan hijira. [39] wasu ruwayoyin suna cewa suna nakalto cewa ya rasu ne a lokacin halifancin Usman wasu kuma suna cewa ya rasu ne a watannin da suka biyo bayan halifancin Usman. [40]
Bisa dogaro da abin da aka cirato ya tabbata cewa Salman ya yi tsawon kwana zuwa haddin da wasu suke rawaito cewa ya rayu tsawon shekara 250 ko 350. [41] haka ma a wasu majiyoyi da aka samu ya zo cewa bayan wafatin Salman Imam Ali (a.s) ya fita daga Madina ya tafi Mada’in, ya yi masa wanka da likkafani kuma ya yi masa salla ya binne shi.[42] Kuma bisa bayani na biyu kan wafatinsa tabbas wafatin na sa zai kasance bayan shekara ta 35 bayan hijira.   
 

---